1160 դիտում, 1 տարի առաջ - 2020-11-23 22:34

Երևան-Արտաշատ ճանապարհին «Hyundai Accent»-ը շրջվել է․ տուժածները հոսպիտալացվել են

Երևան-Արտաշատ ճանապարհին «Hyundai Accent»-ը շրջվել է․ տուժածները հոսպիտալացվել են

Նոյեմբերի 23-ին` ժամը 18:54-ին, Ճգնաժամային կառավարման ազգային կենտրոն ահազանգ է ստացվել, որ Երևան-Արտաշատ ավտոճանապարհին՝ «Կանաչ» սուպերմարկետի մոտակայքում, տեղի է ունեցել ՃՏՊ․ ավտոմեքենան բախվել է արգելապատնեշին։

Ինչպես տեղեկացրին ՀՀ ԱԻՆ-ից, Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «Hyundai Accent» մակնիշի ավտոմեքենան (վարորդ՝ Աբրահամ Շ․, ծնված 2000 թ․) դուրս է եկել ճանապարհի երթևեկելի հատվածից, բախվել ճամփեզրի բետոնե արգելապատնեշին և շրջվել, ինչի հետևանքով Աբրահամ Շ․-ն և ուղևոր Արտյոմ Ք․-ն հոսպիտալացվել են «Էրեբունի» ԲԿ։

Փրկարարները հոսանքազրկել են ավտոմեքենան և փակել գազի բալոնի փականը։