կարևոր
1261 դիտում, 1 տարի առաջ - 2020-11-23 10:16

Շտապ անհրաժեշտ է 2-րդ կարգի դրական արյուն

Շտապ անհրաժեշտ է 2-րդ կարգի դրական արյուն

Յոլյանի անվան Արյունաբանական կենտրոնը հայտարարություն է տարածել․

«Հարգելի հայրենակիցներ, ՇՏԱՊ անհրաժեշտ է A (II) RH+ (2-րդ կարգի դրական արյուն):

Խնդրում ենք արյան նշված կարգն ունեցող անձնանց մոտենալ Արյունաբանական կենտրոնի Արյան բանկ՝ մինչև ժամը 13:00:

Հեռ. 010-28-38-23»։

Նշենք արյունատվության պայմանները. Եթե դուք որոշել եք նվիրել ձեր արյունը, ապա պետք է`

  • լինեք չափահաս՝ 18 տարեկանը լրացած,
  • լինեք առնվազն 53 կգ, եթե դուք իգական սեռի ներկայացուցիչ եք, 63 կգ, եթե արական սեռի ներկայացուցիչ եք,
  •  արյան ճնշումը չլինի շատ բարձր կամ ցածր/որոշում է բժիշկը/առավելագույնը` 90 դիաստոլիկ, նվազագույնը`60, առավելագույնը` 140 սիստոլիկ, նվազագույնը` 90
  • զարկերակը լինի 60-90 հարված րոպեում
  • արյունատվության օրը չպետք է օգտագործեք յուղոտ, տապակած, կծու, ապխտած կերակուր, կարելի է ընդունել միայն թեյ կամ սուրճ,
  • արյունատվությունից 24 ժամ առաջ չպետք է օգտագործեք ոգելից խմիչքներ,
  • Ձեր ընտրած արյան կետը ներկայանաք անձնագրով և/կամ զինվորական գրքույկով/:
  • Դոնորը լրացնում է հարցաթերթիկը, որում նշում է իր առողջական վիճակի  և ապրելակերպի մասին, որից հետո անցնում է լաբորատոր հետազոտություն և զննվում է թերապևտի կողմից: Արյունատվության գործընթացն իրականացվում է միանվագ ստերիլ պարագաներով: 

Արյունատվության հակացուցումները

Բացարձակ հակացուցումներն են.

  •  Վարակիչ հիվանդությունները (ՄԻԱՎ-վարակակրություն, վիրուսային  հեպատիտներ, երբևէ լաբորատոր դրական պատասխան վիրուսային հեպատիտների նկատմամբ, սիֆիլիսի, բնածին կամ ձեռքբերովի, տուբերկուլյոզի բոլոր ձևերը,  բրուցելյոզ և այլն):
  • Սիրտ-անոթային, նյարդային, շնչառական, մարսողական համակարգերի մի շարք   հիվանդությունները, չարորակ նորագոյացությունները, արյան հիվանդությունները և այլն:
  • Բացի մշտական հակացուցումներից, արյունատվության բացառման համար հիմք են հանդիսանում նաև հետևյալ ռիսկային խմբերին պատկանող անձիք` նույնասեռականները, մարմնավաճառները, կալանավայրերում գտնվող անձիք,  վիրուսային հեպատիտներով հիվանդների և վարակակիրների, ՁԻԱՀ-ով հիվանդների և ՄԻԱՎ-վարակակիրների ընտանիքի անդամներ:

Դոնորությունը բացառող ժամանակավոր հակացուցումներն են.

1) արյան բաղադրամասերի փոխներարկում, դաջվածք, մաշկի կամ լորձաթաղանթների ամբողջականության խախտումով ուղեկցվող բժշկական գործիքային միջամտություններ՝    6 ամիս

2) վիրահատություններ, այդ թվում նաև՝ հղիության արհեստական ընդհատում՝  6 ամիս

3) Հայաստանի Հանրապետությունից դուրս երկարատև (1 ամսից ավելի) գործուղում(վարակների էնդեմիկ օջախներում)՝  6 ամիս

4) հղիության և լակտացիայի շրջան՝ ոչ պակաս, քան 1 տարի ծննդաբերությունից հետո, ոչ պակաս, քան 3 ամիս լակտացիայի ավարտից հետո

5) դաշտանի շրջան՝ դաշտանի ավարտից հետո ոչ պակաս, քան 5 օր

6) ալերգիկ վիճակներ՝  2 ամիս

7) 37 ˚C ջերմաստիճանից բարձր ջերմություն, վերին շնչառական ուղիների սուր բորբոքումներ՝  1 ամիս

8) պատվաստումներ`

կենդանի վակցինա՝ 1ամիս
սպանված վակցինա՝ 10 օր
կատաղության դեմ՝ 2 շաբաթ
հեպատիտ Բ-ի դեմ՝ 6 ամիս

9) դեղերի օգտագործում` հակաբիոտիկներ, սալիցիլատներ և ոչ ստերոիդ հակաբորբոքային միջոցներ՝  1 շաբաթից մինչև 1 ամիս

10) մալարիայի էնդեմիկ վայրերից վերադարձած անձինք՝  5 տարի

11) ոգելից խմիչքների ընդունում՝  24 ժամ

12) ալանինամինատրանսֆերազայի բարձրացում մինչև 2 անգամ՝  3 ամիս