Պայքարը հանուն հայրենիքի փրկության է. վարչապետ Նիկոլ Փաշինյանը պետք է հեռանա: Սա է պահանջը Ազատության հրապարակում օրեր շարունակ կոչերով հանդես եկող հանրահավաքի մասնակիցների, որոնց թվում են Երեւանում ապաստան գտած արցախցիները, պատերազմում հարազատներ ու ընկերներ կորցրած քաղաքացիներն ու Արցախի ճակատագրով մտահոգվածները:
Այսօր ելույթ ունեցան բազմաթիվ քաղաքական ուժերի ներկայացուցիչներ, եւ հիմնական ասելիքը՝ Հայաստանի վարչապետը պետք է հրաժարական տա: