կարևոր
1244 դիտում, 1 տարի առաջ - 2020-11-18 20:47

Ընդդիմադիր 16 կուսակցությունները պատրաստվում են գրավոր փաստաթուղթ մշակել

Ընդդիմադիր 16 կուսակցությունները պատրաստվում են գրավոր փաստաթուղթ մշակել

 ՀՀ վարչապետ Նիկոլ Փաշինյանի հրաժարականի պահանջով հավաքներ անցկացնող խորհրդարանական և արտախորհրդարանական 16 կուսակցությունների ներկայացուցիչները պատրաստվում են գրավոր փաստաթուղթ մշակել: Այս մասին Ազատության հրապարակում կազմակերպված հանրահավաքի ավարտին ասաց Հայ Յեղափոխական Դաշնակցության անդամ Գեղամ Մանուկյանը:

«Մենք շաբաթ օրը, ժամը 14:00-ին այստեղ հավաքվում ենք և գրավոր մի քանի ամրագրումներ ենք կատարելու»,- ասաց Մանուկյանը:

Մանուկյանը նշեց, որ մինչ այդ բոլոր քաղաքացիներն ազատ են օրենքի շրջանակներում պահանջելու ՀՀ վարչապետ Նիկոլ Փաշինյանի հրաժարականը:

16 կուսակցության ներկայացուցիչները հանրահավաք էին հրավիրել նաև նոյեմբերի 11-ին, 12-ին, 13-ին և 16-ին:

ՀՀ վարչապետ Նիկոլ Փաշինյանի և գործադիր իշխանության աջակիցները հավաքվել են կառավարության շենքի մոտ: Նրանք իրենց աջակցությունն են հայտնում ՀՀ վարչապետին, նշելով, որ նա չպետք է հրաժարական ներկայացնի զբաղեցրած պաշտոնից: Ավելի վաղ վարչապետի խոսնակ Մանե Գևորգյանը կոչ էր արել զերծ մնալ ի աջակցություն կառավարության ցանկացած հանրահավաք կազմակերպելուց: