կարևոր
4073 դիտում, 1 տարի առաջ - 2020-11-17 21:58

Շուշին հանձնելու պայմանը նախկինում բանակցային սեղանին չի եղել. Վլադիմիր Պուտին (ՏԵՍԱՆՅՈՒԹ)

«Շուշին հանձնելու հարցը երբեք չի դրվել, այն առաջացել է այս կոնֆլիկտի ընթացքում», - այս մասին հայտարարել է Ռուսաստանի Դաշնության նախագահ Վլադիմիր Պուտինը «Ռոսիա 24» հեռուստաընկերության եթերում՝ անդրադառնալով Լեռնային Ղարաբաղի վերաբերյալ պայմանավորվածություններին:

Դեռ հոկտեմբերին Պուտինը համոզել էր Ալիևին դադարեցնել ռազմական գործողությունները Ղարաբաղում այն պայմանով, որ ադրբեջանցի փախստականները վերադառնան Շուշի, բայց Փաշինյանը չի համաձայնել: Ինչո՞ւ՝ Ռուսաստանի նախագահը չգիտի:

Արցախի կարգավիճակի հարցի վերաբերյալ նա նշել է, որ «Եթե Ադրբեջանի և Հայաստանի միջև նորմալ հարաբերություններ ձևավորվեն, հնարավոր կլինի լուծել նաև Ղարաբաղի կարգավիճակի հարցը: Ձեռք բերված պայմանավորվածությունը հնարավորություն է տալիս ապագայում կարգավորել իրավիճակը»:

«Ամենակարեւորը, որ հաջողվեց անել, արյունահեղությունը դադարեցնել էր: Ավելի քան չորս հազար մարդ է զոհվել՝ միայն պաշտոնական տվյալներով, իրականում, կարծում եմ, ավելի շատ։ Տասնյակ հազարներ վիրավորվել են, խեղվել: Լսեք, սա կինո չէ, սա ողբերգություն է, որը տեղի է ունենում կյանքում, կոնկրետ մարդկանց հետ, կոնկրետ ընտանիքների հետ: Հետեւաբար, արյունահեղության դադարեցումը գլխավոր արդյունքն է»,- ասել է Պուտինը: