կարևոր
1450 դիտում, 1 տարի առաջ - 2020-11-16 16:53

Պուտինը Մակրոնին պատմել է Լեռնային Ղարաբաղում իրադրության կայունացման մասին

Պուտինը Մակրոնին պատմել է Լեռնային Ղարաբաղում իրադրության կայունացման մասին

ՌԴ նախագահ Վլադիմիր Պուտինը Ֆրանսիայի նախագահ Էմանուել Մակրոնին պատմել է Լեռնային Ղարաբաղում իրավիճակի կայունացման եւ ռուսական խաղաղապահ զորակազմի տեղակայման մասին: Այս մասին երկուշաբթի հայտնել Է Կրեմլի մամուլի ծառայությունը, փոխանցում է ТАСС-ը։

«Վլադիմիր Պուտինը տեղեկացրել է ռուսական կողմի ձեռնարկած ակտիվ միջնորդական ջանքերի մասին, որոնք թույլ են տվել դադարեցնել արյունահեղությունը եւ խուսափել նոր զոհերից, ինչպես նաեւ շփման գծի եւ Լաչինի միջանցքի երկայնքով ռուսական խաղաղապահ զորակազմի տեղակայման մասին: Նշվում է, որ Ադրբեջանի եւ Ռուսաստանի նախագահների եւ Հայաստանի վարչապետի նոյեմբերի 9-ի հայտարարությունը կատարվում է, իրավիճակը տարածաշրջանում ընդհանուր առմամբ կայունացել է», - ասված է հաղորդագրության մեջ:

Երկրների ղեկավարներն ընդգծել են տեղահանվածների՝ Ղարաբաղ վերադարձի և քրիստոնեական տաճարների պահպանման հարցերի լուծման անհրաժեշտությունը։