կարևոր
1576 դիտում, 3 տարի առաջ - 2020-11-16 15:18

Փաշինյանը հանրային համերաշխության վերականգնման համար կարևորում է բռնության բացառումն ու դատապարտումը

Փաշինյանը հանրային համերաշխության վերականգնման համար կարևորում է բռնության բացառումն ու դատապարտումը

ՀՀ վարչապետ Նիկոլ Փաշինյանը Հայաստանում հանրային համերաշխության վերականգնման համար կարևորում է ներքաղաքական կյանքում բռնության բացառումն ու դատապարտումը: Այս մասին Փաշինյանն ասել է Ազգային ժողովում «Իմ քայլը» խմբակցության անդամ Հովհաննես Հովհաննիսյանի հարցին ի պատասխան:

«Հանրային համերաշխության վերականգնման ամենակարևոր կետը ներքաղաքական ու ներքին կյանքում բռնության բացառումն է ու դրանց դատապարտումը: Հայաստանի կառավարության գործիքակազմում բացառվում է բռնությունների հրահրումը, առավել ևս՝ զինված»,- ասել է Փաշինյանը:

Ավելի վաղ ՀՀ վարչապետ Նիկոլ Փաշինյանը նշել է, որ ընդդիմությունից ակնկալում է քաղաքական հարցերում բռնության և զենքի կիրառումը բացառող հայտարարություն՝ նշելով, որ իր քաղաքական թիմը բացառում է բռնությունների գործադրումը: