կարևոր
2045 դիտում, 1 տարի առաջ - 2020-11-14 21:24

Կյանքիս նպատակն է գտնել 1 մլն հայի, ով ամսական առնվազն 25․000 դրամ կփոխանցի հիմնադրամին. Վարուժան Ավետիքյան

Կյանքիս նպատակն է գտնել 1 միլիոն հայի, ով ամսական առնվազն 25․000 դրամ կփոխանցի Զինծառայողների ապահովագրության հիմնադրամին: Այս մասին ֆեյսբուքյան իր էջում գրել է «Զինծառայողների ապահովագրության» հիմնադրամի տնօրեն Վարուժան Ավետիքյանը։

Ավետիքյանը գրել է, որ դիմում է որպես մեկը, ով ուզում է լացել, գոռալ, բայց չի անում, քանի որ դա չի կերակրի ոչ մի զոհված հերոսի ընտանիքին։ «Իսկ Զինծառայողների ապահովագրության հիմնադրամին ամսական 25․ 000 դրամ ($50) փոխանցելս հաստատ կկերակրի էլ, դպրոց էլ կուղարկի, տուն է կտաքացնի: Ամսական առնվազն 25․000 դրամ փոխանցելու եմ այնքան ժամանակ, որքան կան որբացած մանուկներ ու հաշմանդամ հերոսներ»,- գրել է Ավետիքյանը և հավելել, որ «Զինծառայողների ապահովագրության» հիմնադրամի ֆինանսական բեռը շատ մեծ է: