կարևոր
2137 դիտում, 1 տարի առաջ - 2020-11-14 20:04

Ոստիկանության գնդապետ Սայաթ Շիրինյանը բերման է ենթարկվել ԱԱԾ

Ոստիկանության գնդապետ Սայաթ Շիրինյանը բերման է ենթարկվել ԱԱԾ

Այսօր առավոտյան ԱԱԾ-ի աշխատակիցներն խուզարկել են Ոստիկանության գնդապետ, Ոստիկանության հասարակայնության հետ կապի եւ լրատվության վարչության նախկին պետ Սայաթ Շիրինյանի բնակարանը և նրան բերման ենթարկել:  

Այս մասին քիչ առաջ Analitik.am-ի հետ զրույցում հայտնել է կինը՝ Լուսինե Հովսեփյանը: Տիկին Հովսեփյանը նաև ասաց,  որ ԱԱԾ աշխատակիցներն իրենց հետ են տարել երեխայի համակարգիչն, ինչպես նաև որսորդական հրացանը, որը եղել է առանց փամփուշտների:

«Առավոտյան նախաճաշում էինք, երբ զանգը տվեցին ու մուտք գործեցին մեր բնակարան: Ասացին, որ պետք է խուզարկեն տունը: Ամուսինս պահանջեց, որ ասեն, թե ինչի համար են ուզում խուզարկել, ասացին՝ զենք, զինամթերք, պայթուցիկ նյութեր, ինչ-որ ձայնագրություններ: Ավտոտնակը, տունը և նկուղն ամբողջությամբ խուզարկեցին»,-ասաց Շիրինյանի կինը: