Ձերբակալվել է 6 անձ, հայտնում է վարչապետի աշխատակազմի ղեկավարը

Զանգվածային անկարգությունների, իշխանությունը զավթելուն, սահմանադրական կարգը բռնի տապալելուն ուղղված հրապարակային կոչերի և ՀՀ Ազգային  ժողովին և կառավարությանը պարտադրելու դեպքերի առթիվ ՀՀ քրեական օրենսգրքի 225-րդ հոդվածի 1-ին, 2-րդ և 4-րդ մասերով, 301-րդ հոդվածով, 301.1-ին հոդվածի 1-ին մասով նախատեսված հանցագործություններ կատարելու կասկածանքով ձերբակալվել են թվով 6 քաղաքացի։

Այս մասին ֆեյսբուքյան իր էջում հայտնել է ՀՀ վարչապետի աշխատակազմի ղեկավար Էդվարդ Աղաջանյանը և հրապարակել ոստիկանության իրականացրած գործողությունների լուսանկարները: 

Նա նաեւ նշել է, որ ԱԺ նախագահ Արարատ Միրզոյանի վրա հարձակման «օպերացիայի» առավել ակտիվ մասնակիցներից երկուսը ձերբակալվածների ցանկում են։

Հավելենք, որ ՀՀ Ոստիկանությունն այս մասին պաշտոնական տեղեկություն դեռևս չի հրապարակել: