կարևոր
1348 դիտում, 1 տարի առաջ - 2020-11-07 13:34

«Արցախի անկումն աղետը կբերի Ռուսաստան և ոչ միայն». Դենիս Դվորնիկով

«Արցախի անկումն աղետը կբերի Ռուսաստան և ոչ միայն». Դենիս Դվորնիկով

Միջազգային իրավունքի համառուսաստանյան ասոցիացիայի անդամ փորձագետ Դենիս Դվորնիկովը վստահ է, որ Արցախի անկումը հայ ժողովրդին պատուհասած աղետը կտանի Ռուսաստան և ոչ միայն: Այս մասին Դվորնիկովը գրել է «Ֆեյսբուքի» իր էջում:

«Արցախի (հայկական Լեռնային Ղարաբաղի) անկումը աղետ կբերի Ռուսաստան և ոչ միայն: Չափազանց տխուր է հետևել, թե ինչպես են, կարծես թե, խելացի, վերլուծությունների ու կանխատեսումների ունակ մարդիկ անտարբեր հետևում, թե ինչպես է 150-հազարանոց քրիստոնեական Արցախը վերջին ուժերով պայքարում բազմամիլիոնանոց նեոօսմանական զորքի դեմ, որն ուժեղացված է ահաբեկիչներով: Առավել ևս, որ մի քանի տարի առաջ Ռուսաստանը մտել է Սիրիա հենց այն պատճառով, որ թույլ չտա հենց այդ գլխակերների բազմացումը: Բնակչին համառորեն ներշնչում են, որ Արցախում պատերազմը մեր հակամարտությունը չէ: Տարբեր տեղեկատվական խողովակների միջոցով ուղեղում դաջվում է այն մասին, որ մենք չափազանց մեծ ենք, որպեսզի ընտրություն կատարենք ինչ-որ տեղ, Կովկասյան լեռնաշղթայի այն կողմում: Մենք այսօր նույնիսկ չենք կարող պատկերացնել հնարավոր հետևանքները»,- գրել է Դվորնիկովը:

Արցախի դեմ սանձազերծված ռազմական գործողությունների ընթացքում երեք անգամհոկտեմբերի 10-ին Ռուսաստանիհոկտեմբերի 18-ին Ֆրանսիայիհոկտեմբերի 26-ին ԱՄՆ-ի միջնորդությամբ հայտարարվել է հրադադարի մասինսակայն պայմանավորվածություններն ուժի մեջ մտնելուց րոպեներ անց Ադրբեջանը խախտել է դրանքձեռնարկել դիվերսիոն գրոհներհրետակոծել առաջնագիծն ու խաղաղ բնակավայրերը։