կարևոր
4559 դիտում, 11 ամիս առաջ - 2020-11-07 13:15

Ինձ մոտ գտնվող ընկերներիցս մեկը վիրավորվել է, մեկը զոհվել է․ Սեյրան Օհանյան

Ինձ մոտ գտնվող ընկերներիցս մեկը վիրավորվել է, մեկը զոհվել է․ Սեյրան Օհանյան

Արցախի Հանրապետության նախագահի խոսնակ Վահրամ Պողոսյանն այսօր առավոտյան անդրադարձել էր ադրբեջանական քարոզչամեքենայի տարածած կեղծ լուրերին, թե իբրև ՀՀ պաշտպանության նախկին նախարար, Արցախի հերոս Սեյրան Օհանյանը վիրավորվել է։

«Իհարկե, թշնամին խորը պատճառներ ունի դրա մասին աղաղակելու, քանի որ գեներալ Օհանյանից ստացած հերթական դասը շատ ցավոտ է եղել, ու, համոզված եմ, դեռ էլի կստանա, որովհետև նա ողջ և առողջ է ու լիարժեք կատարում է իրեն վստահված պարտականությունները»,- գրել էր Վահրամ Պողոսյանը։

 168.am–ի հետ զրույցում ինքը՝ ՀՀ պաշտպանության նախկին նախարար, Արցախի հերոս Սեյրան Օհանյանը շեշտել է, որ իր հետ ամեն ինչ կարգին է, իսկ ռազմաճակատի մասին տեղեկություններ ստանալու համար խնդրեց հետևել պաշտոնական աղբյուրներին:

«Ես լավ եմ զգում, շարունակում եմ իմ ծառայությունը: Ինձ մոտ գտնվող ընկերներիցս մեկը վիրավորվել է, մեկը զոհվել է, բայց ամեն ինչ կարգին է: Աստված բոլորիս հետ»,- ասել է Սեյրան Օհանյանը: