կարևոր
1866 դիտում, 2 տարի առաջ - 2020-11-04 22:44

Հակառակորդն օրվա ընթացքում հարձակման փորձեր են իրականացրել հյուսիսային, հյուսիս-արևելյան ուղղություններով

Հակառակորդն օրվա ընթացքում հարձակման փորձեր են իրականացրել հյուսիսային, հյուսիս-արևելյան ուղղություններով

Լեռնային Ղարաբաղում շարունակվող պատերազմի ռազմաճակատում ողջ օրվա ընթացքում Ադրբեջանի զինված ուժերը վարձկան ահաբեկիչների հետ միասին  մի քանի ուղղություններով , այդ թվում՝ հյուսիսային, հյուսիս-արևելյան,   հարձակման փորձեր են իրականացրել: Այս մասին ասաց ՊՆ ներկայացուցիչ Արծրուն Հովհաննիսյանն ասուլիսի ժամանակ:

«Որպես կանոն, հարձակման փորձեր են եղել  վաշտային և գումարտակային մարտավարական խմբերով, առանձին դիվերսիոն խմբերով»,- նշել է Հովհաննիսյանը:

ՊՆ ներկայացուցիչը հավելել է, որ մարտեր եղել  են նաև հարավային ուղղությամբ՝ Որոտան գետի երկայնքով:

«Կոնկրետ մի բարձունքի ուղղությամբ մոտավորապես մի վաշտային խումբ մի քանի զրահատեխնիկայով փորձել է հարձակում իրականացնել, կորցրել է երկու-երեք միավոր զրահատեխնիկա և հետ է շպրտվել»,- ասաց Հովհաննիսյանը:

ՊՆ ներկայացուցիչը նաև հավելեց, որ օրվա ընթացքում ռազմադաշտում  հակառակորդը ոչ մասշտաբային քանակով կիրառել է օդուժ և հրետանի: