կարևոր
698 դիտում, 11 ամիս առաջ - 2020-11-04 13:29

Կառավարությունը մանրամասն քննարկում է վարձկանների վերաբերյալ իրավական բոլոր հնարավոր գործընթացները

Կառավարությունը մանրամասն քննարկում է վարձկանների վերաբերյալ իրավական բոլոր հնարավոր գործընթացները

ՀՀ կառավարությունը մանրամասն քննարկում է Արցախի նկատմամբ Ադրբեջանի սանձազերծած պատերազմում Թուրքիայի կողմից վարձկան-ահաբեկիչների ներգրավման վերաբերյալ իրավական բոլոր հնարավոր գործընթացները: Այս մասին Ազգային ժողովում լրագրողների հետ զրույցում ասել է Արդարադատության նախարար Ռուստամ Բադասյանը:

«Հակամարտության գոտում վարձկան-ահաբեկիչների առկայությունը կարող է առաջացնել տարբեր միջազգային հետևանքներ: Կան կոնվենցիաներ, որոնցով նախատեսվում են որոշակի ընթացակարգեր: Ունենալով նման խումբ պարտականություններ` պայքարելու ահաբեկչության ֆինանսավորման դեմ, դեռ մի բան էլ այդ պետություններն իրենք են զինել, ֆինանսավորել ահաբեկիչներին: Կառավարությունում բոլոր իրավական հնարավոր գործընթացները մանրամասն քննարկվում են»,- ասել է Բադասյանը:

Արցախի դեմ սեպտեմբերի 27-ից Ադրբեջանի` Թուրքիայի և վարձկան-ահաբեկիչների աջակցությամբ սանձազերծած ռազմական գործողությունների ընթացքում երեք անգամ` հոկտեմբերի 10-ին Ռուսաստանի, հոկտեմբերի 18-ին Ֆրանսիայի, հոկտեմբերի 26-ին ԱՄՆ-ի միջնորդությամբ հայտարարվել է հրադադարի մասին, սակայն պայմանավորվածության ուժի մեջ մտնելուց րոպեներ անց Ադրբեջանը խախտել է դա, ձեռնարկել դիվերսիոն գրոհներ, հրետակոծել առաջնագիծն ու խաղաղ բնակավայրերը։