կարևոր
1042 դիտում, 1 տարի առաջ - 2020-11-02 15:30

ՀՕՖ-ի աջակցությամբ ՀՀ ԱՆ-ն ձեռք կբերի կորոնավիրուսային հիվանդության թեստերի ռեագենտներ

ՀՕՖ-ի աջակցությամբ ՀՀ ԱՆ-ն ձեռք կբերի կորոնավիրուսային հիվանդության թեստերի ռեագենտներ

Արձագանքելով առողջապահության նախարարության կողմից ներկայացված հրատապ կարիքին և միավորելով ջանքերը COVID-19-ի դեմ պայքարում` Հայ օգնության ֆոնդը (ՀՕՖ) և ՀՕՖ-ի «Այո» հարթակը ֆինանսական աջակցություն են տրամադրել ՀՀ ԱՆ հիվանդությունների վերահսկման և կանխարգելման ազգային կենտրոնին կորոնավիրուսային հիվանդության թեստերի ռեագենտներ ձեռք բերելու նպատակով: Այս մասին տեղեկացնում է  ՀՀ առողջապահության նախարարությունը:

Ավելի վաղ Առողջապահության համաշխարհային կազմակերպությունը (ԱՀԿ) 40 հազար ՊՇՌ թեստ էր տրամադրել Հայաստանին, սակայն առանց ռեագենտների, առանց որոնց անհնար է իրականացնել ՊՇՌ հետազոտություն:  Այսպիսով, հաշվի առնելով պահի հրատապությունն ու հիվանդության տարածման  միտումները, պահանջարկը կհամալրվի ՀՕՖ-ի ջանքերով:

Սա COVID-19 համավարակի դեմ պայքարում միջազգային համագործակցության  հերթական վառ օրինակներից է, երբ ուժերը մոբիլիզացվում են ըստ անհրաժեշտության: