կարևոր
2594 դիտում, 3 տարի առաջ - 2020-11-01 22:41

Ադրբեջանի ցամաքային զորքերի ներուժը լրջագույնս վնասվել է, հույսը վարձկաններն են. ՊՆ ներկայացուցիչ

Ադրբեջանի ցամաքային զորքերի ներուժը լրջագույնս վնասվել է, հույսը վարձկաններն են. ՊՆ ներկայացուցիչ

Ադրբեջանի զինված ուժերի ցամաքային զորքերի ներուժը լրջագույնս վնասվել են և հիմնական հույսը մնացել են վարձկանները: Նոյեմբերի 1-ին տեղի ունեցած մամուլի ասուլիսին այս մասին ասել է ՊՆ ներկայացուցիչ Արծրուն Հովհաննիսյանը:

«Մենք այսօր ցուցադրեցինք երկրորդ վարձկան ահաբեկչին, ով խոստովանեց, թե ինչպես է հավաքագրվել, վճարվել և ինչպես է նա օգտագործվել Ադրբեջանի կողմից մեր դեմ: Այս կապակցությամբ կարող եմ ասել, որ դեռ բազում անակնկալներ կան, որքան էլ Թուրքիան և Ադրբեջանը փորձեն հերքել վարձկան ահաբեկիչների առկայությունը և օգտագործումը»,- ասել է Հովհաննիսյանը:

Նա նշել է, որ հայկական կողմը  տիրապետում է տեղեկությունների այն մասին, թե որտեղ, որ տեղամասում և ինչպես են վարձկան ահաբեկիչները օգտագործվում և ինչ խնդիրներ են փորձում լուծել նրանց միջոցով:

«Պետք է ասել, որ նրանց միջոցով առաջին գծում կոնկրետ խնդիրների կատարման փորձերը վկայում են այն մասին, որ Ադրբեջանի զինված ուժերի ցամաքային զորքերի պոտենցիալը լրջագույնս վնասված է և հիմնականում հույսը մնացել են վարձկանները»,- եզրափակել է Հովհաննիսյանը: