կարևոր
1158 դիտում, 1 տարի առաջ - 2020-11-01 21:29

Վրաստանում ընդդիմությունը ակցիա է անցկացնում նոր ընտրությունների պահանջով

Վրաստանում ընդդիմությունը ակցիա է անցկացնում նոր ընտրությունների պահանջով

Վրաստանի մայրաքաղաք Թբիլիսիի Ռուսթավելի պողոտայում ընդդիմադիր կուսակցությունների կողմնակիցները բողոքի ակցիա են սկսել խորհրդարանի շենքի դիմաց: Բողոքի ակցիայի մասնակիցները չեն ընդունում ընտրությունների արդյունքները և պահանջում են նոր ընտրություններ:

 «Պարզապես թքել են մեր հոգու մեջ։ Պետք է դադարեցվի Իվանիշվիլիի ռեժիմը: Ընտրությունները իրական չէին, մենք մեկ անգամ եւս հայտարարում ենք, որ չենք ընդունում այս ընտրությունների արդյունքները, և պահանջում ենք արտահերթ խորհրդարանական ընտրությունների անցկացում »,-հայտարարել է ակտիվիստներից մեկը:

Ռուսթավելի պողոտայում երթեւեկությունը կանգնեցվել է:

Հոկտեմբերի 31-ին Վրաստանում տեղի են ունեցել խորհրդարանական ընտրություններ: ԿԸՀ-ի տվյալների համաձայն ՝ «Վրացական երազանք» իշխող կուսակցությունը, որը հիմնել եւ գլխավորել է գործարար Բիձինա Իվանիշվիլին, հավաքել է ձայների 48 տոկոսը: Դա թույլ կտա նրան մեծամասնություն ձեւավորել խորհրդարանում: