կարևոր
1797 դիտում, 1 տարի առաջ - 2020-11-01 18:39

Արայիկ Հարությունյանի ավտոշարասյանը հարվածելու մասին տեղեկատվությունը բացարձակ սուտ է. Դավիթ Բաբայան

Արայիկ Հարությունյանի ավտոշարասյանը հարվածելու մասին տեղեկատվությունը բացարձակ սուտ է. Դավիթ Բաբայան

Որոշ տելեգրամ ալիքներով տարածվող տեղեկատվությունն այն մասին, թե իբր հակառակորդը հարվածել է Արցախի Հանրապետության նախագահ Արայիկ Հարությունյանի ավտոշարասյանը, բացարձակ սուտ է: Այս մասին հայտնել է Արցախի նախագահի խորհրդական Դավիթ Բաբայանը:

Տեղեկատվությունը հերքել է նաև Արցախի նախագահի մամուլի խոսնակ Վահրամ Պողոսյանը: Նա ֆեյսբուքի իր էջում գրել է.

«Ադրբեջանական լրատվամիջոցները կրկին կեղծ տեղեկատվություն են տարածում, որ Արցախի Հանրապետության նախագահ Արայիկ Հարությունյանին թիրախավորել են՝ խոցելով ինչ-որ մեքենաների շարասյուն, որի մեջ է եղել նաև նախագահին սպասարկող մեքենան: Նախ՝ որևէ շարասյուն չեն խոցել, և դա ևս թշնամու վառ երևակայության արդյունքն է, երկրորդ՝ պետք է հերթական անգամ հիասթափեցնեմ ադրբեջանական ապաշնորհ քարոզչամեքենային, քանի որ նախագահն այս պահին լիարժեք կատարում է իր աշխատանքային պարտականությունները, որով պայմանավորված, անշուշտ, անդառնալի  վնասներ են կրում Արցախ ներխուժած թուրք-ադրբեջանա-ահաբեկչական հրոսակախմբերը»: