1440 դիտում, 2020.10.31 15:24

Ինչի՞ ենք այսպես զարմանում, որ Ադրբեջանը արգելված զինատեսակներ է կիրառում․ Տիգրան Աբրահամյան

Ինչի՞ ենք այսպես զարմանում, որ Ադրբեջանը արգելված զինատեսակներ է կիրառում․ Տիգրան Աբրահամյան

Չեմ կարողանում հասկանալ, թե ինչի ե՞նք այսպես զարմանում, որ Ադրբեջանը արգելված զինատեսակներ է կիրառում, հումանիտար իրավունքը ոտնահարում կամ շարունակում խաղաղ բնակավայրեր թիրախավորել։ Այս մասին ֆեյսբուքյան իր էջում գրառում է կատարել Արցախի նախագահի անվտանգության հարցերով նախկին խորհրդական Տիգրան Աբրահամյանը:

Մեր համապատասխան կառույցները եղածը արձանագրում են, որպեսզի հետագայում դրանք միջազգային հարթակներում օգտագործեն, բայց կրկնում եմ՝ զարմանում եմ, երբ անակնկալի եկած դեմքով բոլորս խոսում ենք Ադրբեջանի վարքագծի մասին։

Ինչի չե՞նք ճանաչում դիմացինին։ Ադրբեջանն ամեն գնով՝ արգելված-չարգելված ձևով փորձելու է հասնել իր նպատակներին, իսկ մենք մեր ձեռքի տակ ունեցած բոլոր հնարավորությունները օգտագործել և չթույլատրել։