1418 դիտում, 2020.10.22 21:12

Պուտինը պատմել է, թե ում է Ռուսաստանն աջակցում Ղարաբաղում

Պուտինը պատմել է, թե ում է Ռուսաստանն աջակցում Ղարաբաղում

Ռուսաստանի նախագահ Վլադիմիր Պուտինը հայտարարել է, որ Ռուսաստանը միշտ հատուկ կապեր է ունեցել ոչ միայն Հայաստանի, այլեւ Ադրբեջանի հետ:

«Սկսենք սկզբից՝ Լեռնային Ղարաբաղից և ում ենք սատարում։ Դուք ասացիք, որ Ռուսաստանը միշտ հատուկ կապեր է ունեցել Հայաստանի հետ։ Բայց մենք միշտ հատուկ կապեր ենք ունեցել նաև Ադրբեջանի հետ։ Ռուսաստանում բնակվում է ավելի քան 2 մլն հայ և մոտ 2 մլն ադրբեջանցի։ Դրանք ոչ միայն այն մարդիկ են, որոնք եկել են ժամանակավոր աշխատանքի, այլեւ նրանք, որոնք այստեղ գրեթե մշտապես են ապրում»,-նշել է Պուտինը «Վալդայ» բանավեճային ակումբի նիստում:

ՌԴ նախագահ Վլադիմիր Պուտինը նաեւ հայտարարել է, որ Հայաստանն ու Ադրբեջանը Ռուսաստանի համար հավասար գործընկերներ են:

«Մեզ համար և Հայաստանը, և Ադրբեջանը հավասար գործընկերներ են։ Եվ մեզ համար մեծ ողբերգություն է, երբ այնտեղ մարդիկ են զոհվում։ Մենք ցանկանում ենք լիարժեք հարաբերություններ հաստատել ինչպես Հայաստանի, այնպես էլ Ադրբեջանի հետ»,- ասել է ՌԴ նախագահը:

Նրա խոսքով՝ Ղարաբաղում երկու կողմից զոհվել է մոտ 5 հազար մարդ։

Տարածաշրջանում իրավիճակի սրումը սկսվել է սեպտեմբերի 27-ին։ Հայաստանն ու Ադրբեջանը մեղադրում են միմյանց գնդակոծելու մեջ։