կարևոր
3466 դիտում, 1 տարի առաջ - 2020-10-19 18:23

Հայաստանի և Ադրբեջանի նախագահները հայտնել են իրենց պատրաստակամությունը Մոսկվայում բանակցություններ վարելու կապակցությամբ

Հայաստանի և Ադրբեջանի նախագահները հայտնել են իրենց պատրաստակամությունը Մոսկվայում բանակցություններ վարելու կապակցությամբ

Հայաստանի վարչապետ Նիկոլ Փաշինյանը պատրաստակամություն է հայտնել ժամանել Մոսկվա՝ Լեռնային Ղարաբաղի հարցով Ադրբեջանի ղեկավար Իլհամ Ալիևի հետ բանակցություններ վարելու նպատակով։

«Լեռնային Ղարաբաղի հակամարտությունը պետք է լուծվի բացառապես խաղաղ ճանապարհով: Եվ ես պատրաստ եմ բոլոր անհրաժեշտ ջանքերը գործադրել նման արդյունքի հասնելու համար, այդ թվում՝ գնալ, հանդիպել, զրուցել», - ասել է Փաշինյանը ТАСС-ին տված հարցազրույցում:

Ադրբեջանի նախագահն էլ իր հերթին ТАСС-ին տված հարցազրույցում ևս ասել է, որ պատրաստ է բանակցությունների:

«Մենք միշտ պատրաստ ենք հանդիպել Մոսկվայում և ցանկացած այլ վայրում, որպեսզի վերջ տանք առճակատմանը և գտնենք կարգավորման ուղիներ», - ասել է Ալիևը՝ պատասխանելով հարցին, թե պատրա՞ստ է ինքը մեկնել Մոսկվա՝ Փաշինյանի հետ հանդիպելու համար: