կարևոր
919 դիտում, 1 տարի առաջ - 2020-10-15 23:50

Գայանե Սահակյանը հորդորեց բոլոր գործատուներին հնարավորության դեպքում անցնել հեռավար ռեժիմի

Գայանե Սահակյանը հորդորեց բոլոր գործատուներին հնարավորության դեպքում անցնել հեռավար ռեժիմի

Հայաստանում կորոնավիրուսով պայմանավորված համաճարակային իրավիճակը վատթարացել է, արձանագրված դեպքերը կրկնապատկվել են: Մամուլի ասուլիսի ժամանակ այս մասին ասաց ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը:

«Միայն երեկ և այսօր գրանցվել են ռեկորդային թվեր, վիճակը շարունակում է մնալ ծանր: Համաճարակային իրավիճակի սրացումը պայմանավորված է անվտանգության կանոնների չպահպանելու հետ, ինչպես նաև բնակչության զգոնության թուլացմամբ»,- ասաց Սահակյանը:

Սահակյանի խոսքով` Առողջապահության նախարարությունը շարունակում է իրականացնել հակահամաճարակային միջոցառումներ և միաժամանակ մարդկանց շփումը նվազեցնելուն ուղղված քայլեր:

«Առողջապահության նախարարությունը հորդորում է բոլոր գործատուներին և տնտեսվարողներին՝ հնարավորության դեպքում անցնել հեռավար աշխատանքային ռեժիմի, հատկապես, եթե գործատուի մոտ կան ռիսկային խմբում գտնվող անձինք կամ տարեցներ»,- ասաց Սահակյանը: