կարևոր
1421 դիտում, 2 տարի առաջ - 2020-10-14 10:59

Ռուսաստանին ընտրել են ՄԱԿ-ի ՄԻԽ-ում չորս տարվա ընդմիջումից հետո

Ռուսաստանին ընտրել են ՄԱԿ-ի ՄԻԽ-ում չորս տարվա ընդմիջումից հետո

Ռուսաստանն ընտրվել է ՄԱԿ-ի մարդու իրավունքների խորհրդում: Այդ մասին, ինչպես տեղեկացնում է «Ինտերֆաքս»-ը, հաղորդում է Ժնեւում ՄԱԿ-ի բաժանմունքին առընթեր Ռուսաստանի մշտական ներկայացուցչությունը:

«Ռուսաստանն ընտրվել է ՄԱԿ-ի մարդու իրավունքների խորհրդում չորս տարվա ընդմիջումից հետո: 158 պետություններ պաշտպանել են նրա թեկնածությունն ընտրություններում»,-ասվում է մշտական ներկայացուցչության հաղորդագրության մեջ, որը զետեղված է Twitter-ում: Ռուսաստանի ներկայացուցչությունը խորհրդում կոնստրուկտիվ աշխատանքի պատրաստակամություն Է հայտնել:

Նաեւ Խորհրդի կազմում ընտրվել են Կուբան, Պակիստանը եւ Չինաստանը: Սաուդյան Արաբիան, սպասումներին հակառակ, չի մտել Խորհրդի մեջ։