կարևոր
770 դիտում, 1 տարի առաջ - 2020-10-12 11:53

Քննարկվել են ՀՀ-ում ապաստանած արցախցիների հաշվառման, կենսապայմանների բարելավման, նպաստների և թոշակների վճարման հարցերը

Քննարկվել են ՀՀ-ում ապաստանած արցախցիների հաշվառման, կենսապայմանների բարելավման, նպաստների և թոշակների վճարման հարցերը

Արցախի Հանրապետության աշխատանքի, սոցիալական և բնակարանային հարցերի նախարար Միքայել Վիրաբյանը, ՀՀ կատարած աշխատանքային այցի շրջանակներում այցելել է Հայաստանում ժամանակավոր ապաստանած Արցախի բնակիչներին, եղել ՀՀ-ում Արցախի ներկայացուցչությունում, հանդիպել աշխատանքի և սոցիալական հարցերի նախարար Զարուհի Բաթոյանի հետ։ Այս մասին հաղորդում է Արցախի տեղեկատվական շտաբը։

«Հանդիպումների ընթացքում քննարկվել են ՀՀ-ում ապաստանած բնակիչների հաշվառման, կենսապայմանների բարելավման, նպաստների և թոշակների վճարման առնչությամբ առաջացած հարցերը՝ այդ ուղղությամբ գործընկեր գերատեսչության հետ առաջիկայում նպատակաուղղված աշխատանք իրականացնելու նպատակով։

Միքայել Վիրաբյանը հանդիպում է ունեցել նաև «Բժիշկներ առանց սահմանների» կազմակերպության անդամների հետ»,-ասված է հաղորդագրության մեջ։