ուղիղ եթեր փակել
Այս պահին Երևանում
+21°
ощущаетվя как +20°C
բաց երկինք
2 մ/վ քամու ուժգնություն
արևածագ: 06:14
15.08.2022
USD 406.19 +0.28
GBP 490.96 -1.29
EUR 414.31 -3.25
GEL 144.29 -3.31
RUB 6.6 -0.06

Վերջին ավելացված հաղորդումներ

Ամենադիտվածներ

կարևոր
2061 դիտում, 1 տարի առաջ - 2020-10-10 03:23

Հնարավոր հումանիտար հրադադարի դեպքում պետք է մի քանի անգամ ավելի զգոն լինենք. քաղաքագետ

Հնարավոր հումանիտար հրադադարի դեպքում պետք է մի քանի անգամ ավելի զգոն լինենք. քաղաքագետ

Քաղաքագետ Թևան Պողոսյանի կարծիքով ԼՂ հակամարտության գոտում հնարավոր հումանիտար հրադադարի դեպքում հայկական կողմը պետք է մի քանի անգամ ավելի բարձրացնի զգոնությունը: Պողոսյանն ասել է՝ եթե հնարավոր լինի հասնել հումանիտար հրադադարի, այդ ընթացքում պետք է ճիշտ օգտագործել ժամանակը և հավաքել ուժերը:

«Պետք է մի քանի անգամ բարձրանա մեր զգոնությունը. պետք է գիտակցենք, թե ով է մեր թշնամին: Հումանիտար հրադադարը կարող է լինել 1, 2 կամ 3 օր, բայց դրանից հետո մեր թշնամին անպայման ցանկություն է հայտնելու ինչ-որ վնասներ տալ: Այդ պատճառով ոչ միայն զգոնությունը պետք է չթուլանա, այլև ձեռք բերված ժամանակահատվածը մենք պետք է օգտագործենք շատ ավելի խելացի ձևով՝ մեր ուժերը հավաքելու, վերադասավորումներ անելու և համապատասխան բոլոր գործողությունները կատարելու համար: Ամեն վայրկյան պետք է սպասենք, հենց որ թշնամին որևէ գործողություն իրականացնի, ճիշտ ձևով թիրախավորենք և ջարդենք նրան»,- նշել է քաղաքագետը:

Նա նկատելէ, որ Ադրբեջանը մինչ այս ասում էր, թե իրենք չեն հանձնվելու, մինչև վերջ գնալու են և այժմ, եթե համաձայնվեն հումանիտար հրադադարի, ապա վերադասավորումներ են անելու և կրկին դիմեն ռազմական գործողությունների:  Պողոսյանն ընդգծեց, որ այստեղ խոսքը ոչ միայն Ադրբեջանի, այլև թուրք-ադրբեջանական ահաբեկիչների մասին է, և հայկական կողմը պայքարում է նաև նրանց դեմ:

Նրա խոսքով՝ հումանիտար հրադադարներ 1991-1994 թթ. ընթացքում շատ անգամներ են եղել, և դրանցից հետո թշնամին կրկին հարձակվել է:

«Պետք է քաղենք այդ դասերը և նույնը թույլ չտանք հիմա»,- ասել է Թևան Պողոսյանը և հավելեց, որ պետք է դիմակայել ու ճիշտ հակահարված տալով կարողանալ հասնել հաղթանակի:

Մոսկվայում մեկնարկել են Հայաստանի, Ադրբեջանի և Ռուսաստանի արտաքին գործերի նախարարների խորհրդակցությունները: Հանդիպման օրակարգում բացառապես ռազմական գործողությունների դադարեցման, հումանիտար նպատակներով դիակների և գերիների փոխանակման հարցերն են: 

Մինչ այդ ՌԴ նախագահ Վլադիմիր Պուտինը հայտարարություն էր տարածել՝  կոչ անելով հումանիտար նկատառումներով դադարեցնել Լեռնային Ղարաբաղի հակամարտության գոտում ընթացող ռազմական գործողությունները:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS