կարևոր
1502 դիտում, 1 տարի առաջ - 2020-10-09 21:20

Արցախա-ադրբեջանական հակամարտ զորքերի շփման գծում մարտերը շարունակվում են

Արցախա-ադրբեջանական հակամարտ զորքերի շփման գծում մարտերը շարունակվում են

Արցախի և Ադրբեջանի շփման գծում այս պահին մարտերը շարունակվում են: Այս մասին հոկտեմբերի 9-ին կայացած մամուլի ասուլիսին ասաց ՀՀ Պաշտպանության նախարարության ներկայացուցիչ Արծրուն Հովհաննիսյանը:

«Մարտերն այսօր առավոտյան սկսվել են նոր թափով, դրանք շարունակվում են: Գիշերը, որպես կանոն ևս մարտերը շարունակվում են, բայց առավոտյան թեժանում են: Մեր Զինված ուժերը շարունակում են, անհրաժեշտ հակահարված տալով, հակառակորդին շպրտել ելման դիրքեր»,- ասաց Հովհաննիսյանը:

Պաշտպանության նախարարության ներկայացուցիչը նշեց, որ օրվա ընթացքում հակառակորդը կրել է մեծ քանակով կորուստներ: