կարևոր
2294 դիտում, 1 տարի առաջ - 2020-10-09 08:40

ՀՀ-ում թուրքական հագուստ, կոշիկ վաճառող առևտրականները անելանելի դրության մեջ են․բերած ապրանքը չի վաճառվում․ «Ժողովուրդ»

ՀՀ-ում թուրքական հագուստ, կոշիկ վաճառող առևտրականները անելանելի դրության մեջ են․բերած ապրանքը չի վաճառվում․ «Ժողովուրդ»

«Ժողովուրդ» թերթը գրում է. «Հայաստանում թուրքական ծագման հագուստ, կոշիկ վաճառող առևտրականները հայտնվել են անելանելի դրության մեջ: Ունեն պահեստավորած շատ հագուստ, կոշիկ, որոնք այս օրերին չեն կարողանում վաճառել:

Բանն այն է, որ Հայաստանում արդեն մի քանի օր է՝ թուրքական արտադ­րության ապարանքները բոյկոտելու կոչեր են հնչում: Ի դեպ, այս նպատակով նաև ստորագրահավաք է կազմակերպվել: Ավելին, կան սուպերմարկետներ ու խանութներ, որոնք դադարեցրել են թուրքական ապրանքների վաճառքը:

«Ժողովուրդ» օրաթերթը առևտրականներից տեղեկացավ, որ իրենք զանգահարում են իրենց հաճախորդներին և զգուշացնում, որ հագուստի և կոշիկի գներն իջեցրել են, անգամ առաջարկում են ապառիկ տարբե­րակով իրացնել ապրանքը: Չնայած սրան՝ կրում են ֆինանսական մեծ վնասներ, ունեն վարկային պարտավորություններ, որոնք այժմ չեն կարողանում մարել:

Օրինակ՝ Երևանում կան խանութներ, որոնք երկար տարիներ վաճառել են Թուրքիայից ներկրված հագուստ, կոշիկ, այժմ այդ խանութներում 60-70 տոկոս զեղչեր են հայտարարված: Չի բացառվում, որ ապրանքն ամբողջությամբ վաճառելուց հետո այս խանութները փակվեն»։

Առավել մանրամասն՝ թերթի այսօրվա համարում