կարևոր
1266 դիտում, 1 տարի առաջ - 2020-10-08 18:51

Ղազանչեցոց եկեղեցուն հարվածների հետևանքով վիրավորված լրագրողներից մեկի վիճակը ծանր է

Ղազանչեցոց եկեղեցուն հարվածների հետևանքով վիրավորված լրագրողներից մեկի վիճակը ծանր է

Ադրբեջանի Զինված ուժերի կողմից Շուշիի Ղազանչեցոց եկեղեցուն հասցված հարվածների հետևանքով վիրավորված լրագրողները մի քանիսն են, նրանցից մեկի վիճակը ծանր է: Այս մասին «Ֆեյսբուք»-ի իր էջում գրել է «Հանրային կապերի և տեղեկատվության կենտրոն» ՊՈԱԿ-ի տնօրեն Հովհաննես Մովսիսյանը:

«Ստեփանակերտից ստացված նախնական տվյալներով՝ ռուս լրագրողին վիրահատում են»,- գրել է Մովսիսյանը:

Ադրբեջանի ԶՈՒ-ն եկեղեցուն հարվածներ էր հասցրել նաև հոկտեմբերի 8-ի առավոտյան:

Արցախի տեղեկատվական շտաբն էլ հայտնում է, որ ադրբեջանական զինված ուժերի կողմից Շուշիի Սուրբ Ղազանչեցոց եկեղեցու երկրորդ հրթիռակոծության արդյունքում ծանր վիրավորում է ստացել ռուս լրագրող Յուրի Պետրովիչ Կատյոնկը, ում կյանքի համար այժմ պայքարում են արցախցի բժիշկները: