կարևոր
1467 դիտում, 1 տարի առաջ - 2020-10-08 17:33

Արցախը մեր կարիքն ունի. Սևակ Խանաղյանը նոր երգ է հրապարակել և կոչ արել օգնել իր հայրենակիցներին (ՏԵՍԱՆՅՈւԹ)

Երգիչ Սևակ Խանաղյանը, որը երկար տարիներ ապրում և ստեղծագործում է Ռուսաստանում, Արցախին նվիրված երգ է հրապարակել և իր լսարանին կոչ արել մասնակցել համազգային դրամահավաքին:

«Արցախ» երգի երաժշտության հեղինակը Սևակ Խանաղյանն է, բառերը գրել է Սոսի Խանիկյանը, գործիքավորումն իրականացրել են Լևան Բրաունն ու Սևակ Խանաղյանը: Երգի հիման վրա նկարահանված տեսահոլովակի ռեժիսորը Արա Ղազարյանն է:

«Այսօր, ինչպես երբևէ, Արցախը մեր կարիքն ունի: Յուրաքանչյուր նվիրատվություն չափազանց կարևոր է: Յուրաքանչյուր նվիրատվություն մենք անում ենք հանուն Արցախի, որպեսզի անհրաժեշտ ամեն բանով ապահովենք առաջնագծում կռվող մեր ընկերներին»,-«Ֆեյսբուք»-ի իր պաշտոնական էջում գրել է Խանաղյանն ու հղում արել «Հայաստան» համահայկական հիմնադրամի կայքէջին՝ www.himnadram.org: