կարևոր
901 դիտում, 1 տարի առաջ - 2020-10-08 17:15

Դեսպան Աղաջանյանն իր հավատարմագրերն է հանձնել Բելգիայի թագավոր Ֆիլիպին

Դեսպան Աղաջանյանն իր հավատարմագրերն է հանձնել Բելգիայի թագավոր Ֆիլիպին

Բելգիայում ՀՀ դեսպան Աննա Աղաջանյանը հոկտեմբերի 6-ին իր հավատարմագրերն է հանձնել Բելգիայի թագավոր Ֆիլիպին: Այս մասին հայտնում են ՀՀ ԱԳՆ լրատվության և հանրային դիվանագիտության վարչությունից:

Արարողությունից հետո տեղի ունեցած զրույցի ընթացքում թագավոր Ֆիլիպը շնորհավորել է դեսպանին պաշտոնը ստանձնելու կապակցությամբ և հույս հայտնել, որ վերջինս իր գործունեությամբ կնպաստի հայ-բելգիական բարեկամական հարաբերությունների առավել ամրապնդմանը։

Դեսպան Աղաջանյանը շնորհակալություն է հայտնել ընդունելության համար և նշել, որ պատրաստ է հնարավոր բոլոր ջանքերը ներդնել հայ-բելգիական համագործակցությունն առավել խորացնելու և ընդլայնելու ուղղությամբ: