կարևոր
2070 դիտում, 3 տարի առաջ - 2020-10-08 14:31

Լեռնային Ղարաբաղում իրավիճակը քննարկելու նպատակով Ռուսաստանի, Հայաստանի ու Ադրբեջանի առաջնորդների հանդիպում չի նախատեսվում

Լեռնային Ղարաբաղում իրավիճակը քննարկելու նպատակով Ռուսաստանի, Հայաստանի ու Ադրբեջանի առաջնորդների հանդիպում չի նախատեսվում

Լեռնային Ղարաբաղում իրավիճակը քննարկելու նպատակով Ռուսաստանի, Հայաստանի ու Ադրբեջանի առաջնորդների հանդիպում չի նախատեսվում: Հոկտեմբերի 9-ին լրագրողներին ասել է Վլադիմիր Պուտինի մամուլի քարտուղար Դմիտրի Պեսկովը:

Նա հավելել է, որ ցանկացած շփում, որը կարող է նպաստել իրավիճակի կարգավորմանը ու ուղղակի դուրս բերել այն զինված հակամարտության փուլից, միայն ողջունելի է: Նախագահի մամուլի քարտուղարը նաեւ հստակեցրել է, որ հոկտեմբերի 12-ին Պուտին-Զոհրաբ Մնացականյան հանդիպում ծրագրված չէ:

Հայաստանի արտգործնախարարին կընդունի Ռուսաստանի իր պաշտոնակից Սերգեյ Լավրովը: Իսկ ահա Պուտինի պարբերաբար հեռախոսազրույցները Հայաստանի վարչապետի հետ կշարունակվեն: Պեսկովը նաեւ հավաստիացրել է, որ Լեռնային Ղարաբաղում իրավիճակը կարգավորելու համար շարունակվում են քաղաքական ջանքերը բոլոր մակարդակներում, այդ թվում՝ ամենաբարձր: