կարևոր
1918 դիտում, 1 տարի առաջ - 2020-10-06 20:57

ՃՏՊ Քուչակ գյուղի վերջնամասում. մեքենաներից մեկի վարորդը մահացել է

ՃՏՊ Քուչակ գյուղի վերջնամասում. մեքենաներից մեկի վարորդը մահացել է

Արագածոտնի մարզային ճգնաժամային կառավարման կենտրոնը հոկտեմբերի 6-ին, ժամը 16։51-ին ահազանգ է ստացել, որ Քուչակ գյուղի վերջնամասում տեղի է ունեցել ՃՏՊ. կան տուժածներ:

Ինչպես տեղեկացնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

Պարզվել է, որ Ապարան-Հարթավան ավտոճանապարհի 12-րդ կմ-ին բախվել են «Mercedes» (վարորդ՝ Թովմաս Բ., ծնված 1970 թ.) և «Porsche Cayenne» (վարորդ՝ Իշխան Ա., ծնված 1982 թ.) մակնիշների ավտոմեքենաները:

Մինչ փրկարարների՝ կանչի վայր հասնելը «Mercedes» մակնիշի ավտոմեքենայի վարորդին տեղի ուժերով մոտեցրել են շտապօգնության ավտոմեքենային, վերջինս հոսպիտալացման ճանապարհին մահացել է, իսկ «Porsche Cayenne» ավտոմեքենայի վարորդը տեղափոխել է «Աստղիկ» բժշկական կենտրոն։