կարևոր
1739 դիտում, 3 տարի առաջ - 2020-10-06 17:30

Երեխաներիս ասել եմ, որ եթե ամեն ինչ չավարտվի ես էլ եմ մեկնելու. Յուրա Մովսիսյան

Երեխաներիս ասել եմ, որ եթե ամեն ինչ չավարտվի ես էլ եմ մեկնելու. Յուրա Մովսիսյան

Հայաստանի ֆուտբոլի ազգային թիմի նախկին հարձակվող Յուրա Մովսիսյանն ամերիկյան ռադիոհաղորդման ընթացքում խոսել է Արցախի դեմ Ադրբեջանի և Թուրքիայի  սանձազերծված ռազմական գործողությունների մասին:

«Երեխաներիս պատմել եմ Հայաստանում այս օրերին տեղի ուենցող ամեն ինչը, և ասել եմ նրանց, թե որքան երջանիկ են նրանց հայ լինելով: Երեխաներիս ասել եմ, որ եթե ամեն ինչ չավարտվի ես էլ եմ մեկնելու»,- ասել է Մովսիսյանը:

Ավելի վաղ, Յուրա Մովսիսյանը  դրամահավաք է կազմակերպել ի աջակցություն Հայոց բանակի զինվորների: Մովսիսյանը կոչ է արել իր ընկերներին Լոս Անջելեսում և ամբողջ աշխարհում միանալ դրամահավաքին, որը նվիրված է հայ զինվորին: Հավաքված գումարը ծառայելու է Հայոց բանակի զինվորներին և զոհված տղաների ընտանիքներին: Դրամահավաքն այստեղ:

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ ռազմական գործողություններ է սկսել: Հրետակոծվում և հրթիռակոծվում են նաև խաղաղ բնակավայրերը, այդ թվում՝ մայրաքաղաք Ստեփանակերտը և Շուշին: Ադրբեջանի ԶՈՒ-ն թիրախավորել է նաև ՀՀ զինվորական և քաղաքացիական ենթակառուցվածքները: Արցախում և Հայաստանում Ադրբեջանի սանձազերծած ագրեսիայի, ողջ զինանոցի կիրառման՝ հրետակոծման, ԱԹՍ հարվածների և հրթիռակոծման հետևանքով 21 քաղաքացիական անձ է զոհվել, վիրավորվել 80-ը: Արցախի նկատմամբ Ադրբեջանի սանձազերծած պատերազմում զոհվել է 240 զինծառայող և կամավորական: