կարևոր
1545 դիտում, 2 տարի առաջ - 2020-10-05 23:16

Արցախում քաղաքացիական զոհերի մեծ մասը հակառակորդի կողմից դիտավորյալ թիրախավորման հետանքով է

Արցախում քաղաքացիական զոհերի մեծ մասը հակառակորդի կողմից դիտավորյալ թիրախավորման հետանքով է

Ադրբեջանի կողմից Արցախի դեմ սանձազերծած պատերազմի ընթացքում խաղաղ բնակչության շրջանում զոհերի ճնշող մեծամասնությունը հակառակորդի կողմից դիտավորյալ թիրախավորվման հետևանքով է: Այս մասին հոկտեմբերի 5-ին ասուլիսի ժամանակ ասաց Արցախի մարդու իրավունքների պաշտպան Արտակ Բեգլարյանը:

«Օրինակ,  անօդաչու թռչող սարքի միջոցով կարելի է ասել գործնականում հնարավոր չէ շեղում: Հադրութ քաղաքում հենց բնակելի տան վրա է հարվածել  ԱԹՍ-ն:  Մի քանի օրինակ կարելի է բերել վերջին օրերին Ստեփանակերտի հրթիռակոծության վերաբերյալ. բարձր դիպուկությամբ հրթիռների կիրառում է արձանագրվել:  Քանի որ հարվածել են բնակելի շենքերին, հետևաբար ցանկացել են թիրախավորել այդ շենքերը»,- ընդգծեց Բեգլարյանը:

Ադրբեջանի սանձազերծած գործողությունների հետևանքով մինչև հոկտեմբերի 4-ը ներառյալ Արցախում զոհվել է 19, վիրավորվել՝ 80 քաղաքացիական անձ, վնասվել՝ մոտ 2700 գույք ու ենթակառուցվածք: