կարևոր
1122 դիտում, 1 տարի առաջ - 2020-10-04 01:49

Թուրք-ադրբեջանական դաշինքը շարունակում է տարածաշրջանն ապակայունացող իր քաղաքականությունը. (ՏԵՍԱՆՅՈւԹ)

ԵԱՀԿ Մինսկի խմբի համանախագահների անհապաղ հրադադարի կոչերը, Ֆրանսիայի ղեկավարի «նոր մեթոդով» բանակցություններ անցկացնելու առաջարկը մնացին անարձագանք Բաքվի կողմից:

Ղարաբաղյան հակամարտությունն ուժով լուծելու նպատակով՝ Ադրբեջանը, Թուրքիայի հետ համատեղ, շարունակեց պատերազմական լայնամասշտաբ գործողությունները ու նորից հարցականի տակ դրեց միջնորդ երկրների ջանքերը: Ադրբեջանի նախագահը, փաստացի, տարբերություն դրեց ԵԱՀԿ Մինսկի խմբում համանախագահող երկրների միջեւ:

«Ալ Ջազիրային» տված հարցազրույցում Իլհամ Ալիեւն ասում է, թե Ռուսաստանը օբյեկտիվորեն ավելի բարձր դեր ու միջնորդության հնարավորություններ ունի հակամարտության կարգավորման գործընթացում, քան մյուս համանագահները: Ալիեւը, թերեւս, նկատի ունի Ֆրանսիային, որի նախագահ Մակրոնը բացեիբաց հայտարարել է՝ ռազմական գործողությունները Ադրբեջանն է սկսել, Թուրքիան էլ «փոքր եղբորն» ապահովում է սիրիացի ու լիբիացի վարձկաններով: Ալիեւը նեղսրտել է, ասում է՝ եթե այսօր միջնորդական խումբ ձեւավորելու հնարավորություն լիներ, կազմն ամբողջովին այլ կլիներ: 

Մանրամասները՝  Մարինե Մելիքսեթյանի տեսանյութում։