կարևոր
844 դիտում, 1 տարի առաջ - 2020-10-01 22:08

Ադրբեջանն օգտագործում է այլ երկրների տարածքները, որպեսզի ագրեսիա իրականացնի Արցախի դեմ. Աննա Նաղդալյան

Ադրբեջանն օգտագործում է այլ երկրների տարածքները, որպեսզի ագրեսիա իրականացնի Արցախի դեմ. Աննա Նաղդալյան

ՀՀ Արտաքին գործերի նախարարի մամուլի խոսնակ Աննա Նաղդալյանն ափսոսանք հայտնեց այն հարցի առնչությամբ, որ Ադրբեջանն Արցախի նկատմամբ ագրեսիա իրականացնելու համար օգտագործում է այլ երկրների տարածքները: Հոկտեմբերի 1-ին տեղի ունեցած մամուլի ասուլիսի ընթացքում Նաղդալյանն այս մասին ասաց, արձագանքելով այն դիտարկմանը, որ Արցախի նկատմամբ Ադրբեջանի ռազմական գործողությունների հետևանքով տուժել են նաև իրանցիները:

«Մենք մշտական կապի մեջ ենք Իրանի մեր գործընկերների հետ և իսկապես կապը տարբեր մակարդակներով մշտական բնույթ է կրում: Ափսոսանքի է արժանի այն, որ Ադրբեջանը տարածաշրջանի խաղաղությունը վտանգելու համար օգտագործում է այլ երկրների տարածքները, որպեսզի մարտական գործողություններ և ագրեսիա իրականացնի Արցախի դեմ: Այս առումով Իրանի մեր գործընկերների հետ երկխոսությունը համապարփակ է և ներառում է հարցերի լայն շրջանակ»,- ասաց Նաղդալյանը:

Հոկտեմբերի 1-ին արցախա-ադրբեջանական հակամարտության գոտու հարավային հատվածում՝ Վարազաթումբ (Լելե Թեփե) տարածքում, ՊԲ ստորաբաժանումները խոցել են հակառակորդի մարտական ուղղաթիռ, որն ընկել է Իրանի Իսլամական Հանրապետության տարածքում: