806 դիտում, 1 տարի առաջ - 2020-09-30 15:59

Ադրբեջանի հատուկ ծառայությունները փորձում են հեռախոսազանգերով խուճապ առաջացնել. Արցախի ԱԱԾ

Ադրբեջանի հատուկ ծառայությունները փորձում են հեռախոսազանգերով խուճապ առաջացնել. Արցախի ԱԱԾ

Արցախի Հանրապետության ազգային անվտանգության ծառայությունն իրազեկում է, որ Ադրբեջանի կողմից սանձազերծված ռազմական գործողությունների ընթացքում հակառակորդի մոտ են հայտնվել մեր հայրենակիցների մոտ առկա մի քանի բջջային հեռախոսներ, որոնցում գրանցված կոնտակտային հեռախոսահամարների բաժանորդներին ադրբեջանական հատուկ ծառայությունները զանգեր են իրականացնում և փորձում Արցախում ռազմական գործողությունների վերաբերյալ տարաբնույթ տեղեկություններ ստանալ, ինչպես նաև նպատակ են հետապնդում խուճապային տրամադրություններ առաջացնել հասարակության շրջանում: Այս մասին հայտնում են Արցախի ԱԱԾ լրատվական ծառայությունից:

«ԱՀ ազգային անվտանգության ծառայությունը կոչ է անում` հեռախոսակապ չհաստատել, տվյալներ չփոխանցել, չպատասխանել կասկածելի հեռախոսազանգերի: Նման իրավիճակում հայտնվելու դեպքում անհապաղ տեղեկացնել ԱՀ ազգային անվտանգության ծառայությանը»,- ասված է Արցախի ԱԱԾ հաղորդագրությունում: