420 դիտում, 2020.09.29 22:45

ՌԴ-ում ՀՀ դեսպանը մեկնաբանել է հայ-ռուսական միջկառավարական հանձնաժողովի նիստի հետաձգումը

ՌԴ-ում ՀՀ դեսպանը մեկնաբանել է հայ-ռուսական միջկառավարական հանձնաժողովի նիստի հետաձգումը

Հայ-ռուսական ռազմատեխնիկական համագործակցության միջկառավարական հանձնաժողովի հերթական նիստը չի չեղարկվել, այն հետաձգվել է տեխնիկական պատճառներով: Այս մասին ՌԻԱ Նովոստիին հայտնել է Ռուսաստանում ՀՀ դեսպան Վարդան Տողանյանը, նշելով, որ հետաձգումը կապված չէ Լեռնային Ղարաբաղում ստեղծված իրավիճակի հետ:

«Ոչ մի կերպ կապված չէ»,- նշել է դեսպանը, պատասխանելով այն հարցին, թե արդյոք հետաձգումը կապվա՞ծ է Լեռնային Ղրաբաղում առկա իրավիճակի հետ:

Դեսպանը նշել է, որ նիստը պետք է տեղի ունենար սեպտեմբերի 14-18-ը և օդային հաղորդակցության բացակայության պատճառով է այն հետաձգվել:

«Հիմա նույնպես օրը հետաձգվել է, որովետև նախ կա Հայաստանում գտնվելու անհրաժեշտություն, և երկրորդ պատճառը Ռուսաստանի հետ օդային պարբերական հաղորդակցության բացակայությունն է: Բացառապես այս պատճառներով է հետաձգվել գործուղումը»,- պարզաբանել է Տողանյանը: