կարևոր
1242 դիտում, 1 տարի առաջ - 2020-09-27 17:15

Արցախի ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

Արցախի ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

Արցախի արտաքին գործերի նախարարությունը Ադրբեջանի կողմից գործողությունները որակում է որպես Արցախի Հանրապետության դեմ ուղղված ագրեսիայի ակտ: Այս մասին լրագրողների հետ զրույցում ասել է Արտաքին գործերի նախարարության տեղեկատվական վարչության պետ Արտակ Ներսիսյանը:

«Արցախի Հանրապետությունը ՄԱԿ-ի կանոնադրությունների համաձայն իրականացնում է ինքնապաշտպանության իրավունքը և ձեռնարկում է բոլոր անհրաժեշտ միջոցները ագրեսիան հետ մղելու և տարածաշրջանում խաղաղություն հաստատելու համար»,- ասել է Ներսիսյանը:

Նա տեղեկացրել է,  որ Արցախի ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ:

«ԵԱՀԿ Մինսկի խմբի համանախագահները նույնպես իրազեկված են Ադրբեջանի ագրեսիայի վերաբերյալ և դրա հետևանքով ստեղծված իրավիճակի մասին»,- ասել է Ներսիսյանը: