կարևոր
1207 դիտում, 1 տարի առաջ - 2020-09-27 15:11

ԱՆ-ն կոչ է անում արյան անհրաժեշտ պահուստային քանակը լրացնելու նպատակով դառնալ կամավոր դոնոր

ԱՆ-ն կոչ է անում արյան անհրաժեշտ պահուստային քանակը լրացնելու նպատակով դառնալ կամավոր դոնոր

ՀՀ առողջապահության նախարարությունը հայցելով ժողովրդի աջակցությունը կոչ է անում արյան անհրաժեշտ պահուստային քանակը լրացնելու նպատակով դառնալ կամավոր դոնոր։

Նախարարությունից հայտնում են, որ արյուն ունենալու համար անհրաժեշտ է, որ բոլորը գիտակցեն`յուրաքանչյուրի հանձնած արյան շնորհիվ հնարավոր կլինի փրկել մարդկանց կյանքեր:

«Արցախում տեղի ունեցող իրադարձություններին հետևելով` ձեզնից շատերը մոտենում են տարբեր բժշկական կազմակերպություններ` արյունատվության համար: Հարգելի քաղաքացիներ, կոչ ենք անում արյուն հանձնելու համար դիմել միայն «Պրոֆ. Ռ. Յոլյանի անվան արյունաբանական կենտրոն» ՓԲԸ կամ արյան բանկի մարզային կառույցներ: Լրացուցիչ հայտնում ենք, որ արյան խումբն ու ռեզուս պատկանելությունը նշանակություն չունեն»,- նշում են Առողջապահության նախարարությունից: