272 դիտում, 2020.09.26 10:48

Ավտոմեքենան ամբողջությամբ այրվել է, կա տուժած

Ավտոմեքենան ամբողջությամբ այրվել է, կա տուժած

Սեպտեմբերի 26-ին՝ ժամը 09:03-ին, Ճգնաժամային կառավարման ազգային կենտրոն ահազանգ է ստացվել, որ Երևանի Ազատության պողոտայում՝ «Ռեդիսոն Բլու» հյուրանոցի մոտակայքում, ավտոմեքենան բախվել է ծառին և բռնկվել:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։

Պարզվել է, որ «BMW» մակնիշի ավտոմեքենան (վարորդ՝ Գագիկ Գ․, ծնված 1993 թ․) դուրս է եկել ճանապարհի երթևեկելի հատվածից, հայտվել պատի և ծառի արանքում, այնուհետև բռնկվել․ վարորդը ձեռքերի շրջանում ստացած այրվածքներով և տարբեր աստիճանի մարմնական վնասվածքներով հոսպիտալացվել է «Հերացի» թիվ 1 հիվանդանոցային համալիր։

Հրդեհը մեկուսացվել է ժամը 09:14-ին, մարվել՝ 09։29-ին: Այրվել է «BMW» մակնիշի ավտոմեքենա։