ուղիղ եթեր փակել
Այս պահին Երևանում
+29°
ощущаетվя как +26°C
բաց երկինք
6 մ/վ քամու ուժգնություն
արևածագ: 06:15
16.08.2022
USD 406.09 -0.10
GBP 488.16 -2.80
EUR 411.41 -2.90
GEL 145.81 +1.52
RUB 6.62 +0.02

Վերջին ավելացված հաղորդումներ

Ամենադիտվածներ

կարևոր
891 դիտում, 1 տարի առաջ - 2020-09-25 17:24

Ուսուցիչների թեստավորումը կավարտվի հոկտեմբերի առաջին տասնօրյակում

Ուսուցիչների թեստավորումը կավարտվի հոկտեմբերի առաջին տասնօրյակում

Հանրապետությունում ուսուցիչների թեստավորման գործընթացի կեսն արվել է, հոկտեմբերի առաջին տասնօրյակում կավարտվի: Հրավիրված ասուլիսում այս մասին հայտնեց ՀՀ ԱՆ Հիվանդությունների վերահսկման և կանխարգելման ազգային կենտրոնի համաճարակաբանության բաժնի պետ Լուսինե Պարոնյանը:

«Սեպտեմբերի 7-ից հանրապետությունում իրականացվում է ուսուցիչների դպրոցական անձնակազմի թեստավորում: Անձնակազմի մեծ քանակը հաշվի առնելով՝ երկու շաբաթում թեստավորման գործընթացը հնարավոր չէր ամբողջական ավարտին հասցնել: Կարծում եմ, որ հոկտեմբերի առաջին տասնօրյակում ուսուցիչների թեստավորումը կավարտվի»,-ասաց Լուսինե Պարոնյանը:

Թեստավորված ուսուցիչների մոտ 1.5 տոկոսի շրջանում է հաստատվել կորոնավիրուս: Նրանք հիմնականում ախտանշաններ չեն ունեցել: Ներկայում 300-ից ավելի աշխատակից ինքնամեկուսացած է, բարդ դեպքեր չկան, նրանք իրենց տանն են:

Այս ընթացքում հաճախակի հանդիպող դեպքերից է այն, որ թեստի դրական պատասխան ունենալուց հետո ուսուցիչները վճարովի թեստավորում են կատարել, որի արդյունքը եղել է բացասական: Դժգոհություններ եղան ուսուցիչների շրջանում, որ ամեն դեպքում նրանք ստիպված են ինքնամեկուսանալ: Լուսինե Պարոնյանը նշեց, որ իրենց լաբորատորիան Առողջապահության համաշխարհային կազմակերպության կողմից անցել է որակի արտաքին հսկողություն, 100 տոկոսանոց ճշգրտության արդյունք է ցույց տվել:

«Մեր լաբորատոր կարողությունները կասկածի տակ դնել չի կարելի: Եթե անգամ տարբեր են արդյունքները միևնույն է խնդիր կա, և անձը պետք է մեկուսանա, նույնիսկ ախտանշաններ չունենալու դեպքում: Ինչ վերաբերում է թեստավորման արդյունքների տարբերությանը, ապա բազմաթիվ գործոն կարող է ազդել՝ սկսած նմուշառման տեխնիկայից, վերջացրած թեստավորումից առաջ հաց ուտելով, ջուր խմելով»,-ասաց նա: Լուսինե Պարոնյանը: Նա հորդորում է անիմաստ գումար չծախսել, չդիմել մասնավոր լաբորատորիաներ, միևնույն է, եթե սկզբում դրական է եղել, ապա պետք է ինքնամեկուսացվեն:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS