կարևոր
1493 դիտում, 1 տարի առաջ - 2020-09-23 18:23

Սահմանադրական դատարանը նախագահ չի ընտրել․ նիստը կշարունակվի վաղը

Սահմանադրական դատարանը նախագահ չի ընտրել․ նիստը կշարունակվի վաղը

ՍԴ-ն նոր նախագահ չի ընտրել: Սահմանադրական դատարանի աշխատակարգային նիստն ընդմիջվեց պայմանավորված աշխատանքային օրվա ավարտով: Այս մասին լրագրողներին հայտնեց ՍԴ նորընտիր դատավոր Էդգար Շաթիրյանը, մանրամասնելով, որ այսօր քննարկվել է լրատվամիջոցների կողմից այն լուսաբանելու հարցը։ 

Շաթիրյանը հրաժարվեց ներկայացնել, թե ովքեր են իրենց թեկնածությունն առաջադրել ՍԴ նախագահի պաշտոնում, միայն փաստեց, որ  նիստն ընդմիջվել է եւ կշարունակվի վաղը՝ ժամը 11։00-ին։

«Ըստ էության, Սահմանադրական դատարանը անցում չի կատարել օրակարգի հարցերին՝ նախագահի և փոխնախագահի ընտրությանը։ Քննակման առարկա են դարձել կազմակերպական հարցեր, հիմնականում ԶԼՄ-ների դիմումները՝ նիստը լուսաբանելու հարցով»,- ասաց նա։

Շաթիրյանը նշեց՝ որոշվել է նիստը դռնփակ անցկացնել, բայց այն կտեսաձայնագրվի։

Իր հերթին՝ ՍԴ նախկին նախագահ Հրայր Թովմասյանն էլ հրաժարվեց որեւէ հարցի պատասխանել, նշելով․ «Ոչինչ չունեմ ասելու»,-ապա կատակեց,- «Հռոմի պապի ընտրությունների պես է լինելու»: