կարևոր
940 դիտում, 1 տարի առաջ - 2020-09-21 23:22

ԱՄՆ-ում ձերբակալվել է մի կին, որը մահացու թույն է ուղարկել Թրամփին

ԱՄՆ-ում ձերբակալվել է մի կին, որը մահացու թույն է ուղարկել Թրամփին

ԱՄՆ ոստիկանությունը ձերբակալել է մի կնոջ, որը կասկածվում է նախագահ Դոնալդ Թրամփին ռիցին մահացու թույն պարունակող փաթեթ ուղարկելու մեջ: Ձերբակալությունը տեղի է ունեցել Նյու Յորք նահանգի Բաֆալո քաղաքում: Այս մասին գրում է BBC-ն:

Նա Կանադայի քաղաքացի է, եւ նրան ձերբակալել են սահմանային անցակետում, երբ փորձել է մուտք գործել Միացյալ Նահանգներ: Նրանից հրազեն է բռնագրավվել։

Թերթի տեղեկատվությամբ՝ 2019-ի մարտին կինը Տեխասում բերման է ենթարկվել ԱՄՆ-ում ապօրինի մնալու համար եւ արտաքսվել է հայրենիք: Նրա մոտ այն ժամանակ հայտնաբերվել է վարորդական իրավունքի կեղծ վկայական, ժամկետանց վեցամսյա վիզա եւ հրազեն:

Կասկածելի փաթեթը հայտնաբերվել է սեպտեմբերի 19-ին՝ ԱՄՆ նախագահին ուղղված նամակագրությունը տեսակավորելու ժամանակ: Անվտանգության նկատառումներից ելնելով՝ ընթացակարգն իրականացվում է Սպիտակ տան սահմաններից դուրս:

Ռիցինի համար հակաթույն գոյություն չունի: Եթե մարդը շնչի կամ կուլ տա այն, մահը վրա է հասնում 36-72 ժամվա ընթացքում՝ կախված ստացած դոզայից: Մեծահասակ մարդուն սպանելու համար բավարար է այս նյութի կես միլիգրամը, որը քորոցի գլխիկի չափ է: