ՀՀ ղեկավարությունը Եռաբլուրում հարգեց Հայրենիքի անկախության համար զոհված հայորդիների հիշատակը. (ՏԵՍԱՆՅՈւԹ)

 Հայաստանի Հանրապետության և Արցախի Հանրապետության ղեկավարությունը Անկախության 29-րդ տարեդարձի առիթով այցելել է «Եռաբլուր» զինվորական պանթեոն:

ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ԱԺ նախագահ Արարատ Միրզոյանը, Ն.Ս.Օ.Տ.Տ. Ամենայն Հայոց Գարեգին Բ-ն, ԱՀ նախագահ Արայիկ Հարությունյանը ծաղիկներ դրեցին և հարգանքի տուրք մատուցեցին իրենց կյանքը Հայրենիքի անկախության համար զոհաբերած հայորդիների հիշատակին:

Հայաստանի երրորդ Հանրապետությունը սեպտեմբերի 21-ին նշում է անկախության 29-րդ տարեդարձը: 29 տարի առաջ հայ ժողովուրդը հանրաքվեի միջոցով իր վճռական «այո»-ն ասաց Հայաստանի անկախությանը: Հայաստանի չափահաս բնակչության 95% մասնակցության պարագայում ընտրողների 99.5%-ը «Համաձա՞յն եք, որ Հայաստանի Հանրապետությունը լինի ժողովրդավարական անկախ պետություն` ԽՍՀՄ կազմից դուրս» հարցին դրական պատասխան տվեց: Երկու օր անց` սեպտեմբերի 23-ին, երկրի Գերագույն Խորհուրդը Հայաստանը հռչակեց անկախ, ինքնիշխան հանրապետություն: