կարևոր
1075 դիտում, 1 տարի առաջ - 2020-09-18 16:55

Տիխանովսկայան պահանջել է միջազգային հանրության միջամտությունը

Տիխանովսկայան պահանջել է միջազգային հանրության միջամտությունը

Բելառուսի նախագահի նախկին թեկնածու Սվտլանա Տիխանովսկայան տեսակապով ելույթ է ունեցել Բելառուսի հարցով ՄԱԿ-ի մարդու իրավունքների խորհրդի հրատապ քննարկմանը, որն անցկացվում է Ժնեւում՝ Գերմանիայի հրավերով:

Տիխանովսկայան կոչ է արել միջազգային հանրությանը միջամտել, պահանջել դադարեցնել բռնության կիրառումը ցուցարարների նկատմամբ, ազատ արձակել բոլոր քաղբանտարկյալներին, նշել նաեւ, որ ընդդիմությունը պատրաստ է բանակցել իշխանությունների հետ՝ հարցին խաղաղ լուծում գտնելու համար: Նիստին Բելառուսի, Ռուսաստանի, Վենեսուելայի եւ Չինաստանի ներկայացուցիչները պահանջել են դադարեցնել քննարկումը:

Ի դեպ, նախօրեին Բելառուսի նախագահ Ալեքսանդր Լուկաշենկոն, ելույթ ունենալով «Հանուն Բելառուսի» կանանց ֆորումի ժամանակ, հայտարարել էր, որ Բելառուսը ստիպված է փակել պետական սահմանները Լիտվայի եւ Լեհաստանի հետ, ուժեղացնել հսկողությունը Ուկրաինայի հետ սահմանին: Լուկաշենկոն բազմիցս պնդել է, որ հենց այդ երկրներից են կառավարվում բելառուսյան ցույցերը: Սակայն թե՛ Լիտվայից, թե՛ Լեհաստանից տեղեկացրել են, որ սահմանները դեռ բաց են, աշխատանքն ընթանում է իր բնականոն հունով: