կարևոր
1316 դիտում, 1 տարի առաջ - 2020-09-17 21:34

ՌԴ ԱԳՆ-ն տեղյակ է, որ լիբանանցի երկու փախստական ընտանիքներ ցանկություն են հայտնել բնակություն հաստատել Լեռնային Ղարաբաղում

ՌԴ ԱԳՆ-ն տեղյակ է, որ լիբանանցի երկու փախստական ընտանիքներ ցանկություն են հայտնել բնակություն հաստատել Լեռնային Ղարաբաղում

Ռուսաստանի արտգործնախարարությունը տեղյակ է, որ լիբանանցի երկու փախստական ընտանիքներ ցանկություն են հայտնել բնակություն հաստատել Լեռնային Ղարաբաղում:

«Ստուգված տվյալներ, Լեռնային Ղարաբաղ ու նրա շուրջ տարածքներ լիբանանահայերի իրական ներհոսքի մասին, մենք չունենք»,- այսօր ճեպազրույցի ժամանակ ասել է Ռուսաստանի արտգործնախարարության մամուլի խոսնակ Մարիա Զախարովան՝ պատասխանելով ադրբեջանական լրատվամիջոցների հարցմանը:

Զախարովայի խոսքով՝ այժմ պետք է կենտրոնանալ բանակցային գործընթացի վերականգնման վրա՝ ուղղված Լեռնային Ղարաբաղի, այդ թվում փախստականների ու տեղահանված անձանց հարցի լուծմանը: Խոսնակը նաեւ հիշեցրել է, որ ԵԱՀԿ Մինսկի խմբի համանախագահները սեպտեմբերի 14-ին խորհրդակցություններ են անցկացրել հեռախոսով Հայաստանի ու Ադրբեջանի արտգործնախարարների հետ, առաջարկել հանդիպումներ համանախագահների հետ առանձին ու հավելել է՝ ակնկալում են կողմերի դրական արձագանքը: