ուղիղ եթեր փակել
Այս պահին Երևանում
+22°
ощущаетվя как +22°C
բաց երկինք
1 մ/վ քամու ուժգնություն
արևածագ: 06:17
18.08.2022
USD 405.79 -0.17
GBP 489.18 -1.95
EUR 412.81 -0.13
GEL 145.57 +0.52
RUB 6.83 +0.13

Վերջին ավելացված հաղորդումներ

Ամենադիտվածներ

կարևոր
943 դիտում, 1 տարի առաջ - 2020-09-17 23:36

Լիտվայում կկազմակերպվի Հայաստանի անկախությանը նվիրված համերգ

Լիտվայում կկազմակերպվի Հայաստանի անկախությանը նվիրված համերգ

Միջազգային բազմաթիվ հեղինակավոր մրցանակակիրների դափնեկիրներ, օպերային երգչուհի Հասմիկ Գրիգորյանի և օպերային երգիչ, ՀՀ ժողովրդական արտիստ Բարսեղ Թումանյանի մասնակցությամբ համերգային ծրագրով Լիտվայում կնշեն Հայաստանի անկախության 30-ամյակը: Համերգը նվիրվում է նաև օպերային երգիչ, բեմադրիչ, ՀԽՍՀ վաստակավոր արտիստ Գեղամ Գրիգորյանին, որը երգել է Լիտվայի օպերայի և բալետի ազգային թատրոնում:

lrt.lt-ն հայտնում է, որ Լիտվայի օպերայի և բալետի ազգային թատրոնի և Լիտվայում ՀՀ դեսպանության ջանքերով կազմակերպված համերգը տեղի կունենա սեպտեմբերի 18-ին Լիտվայի օպերային թատրոնում:

Լիտվայի Հանրապետությունում ՀՀ արտակարգ և լիազոր դեսպան Տիգրան Մկրտչյանն ընդգծել է, որ տոնը կարևոր է Լիտվայի համար, քանի որ Լիտվան աշխարհում առաջինն է ճանաչել Հայաստանի անկախությունը, իսկ Հայաստանը Լիտվայի հետ հաստատել է առաջին դիվանագիտական հարաբերությունները:

Համերգին, որը վկայում է Հայաստանի և Լիտվայի բարեկամության մասին, հանդես կգա նաև տենոր Հովհաննես Այվազյանը, դիրիժոր Վարդան Գրիգորյանը: Երգիչներին նվագակցելու է օպերային թատրոնի սիմֆոնիկ նվագախումբը (գլխավոր դիրիժոր Ռիչարդս Շումիլա):

Հասմիկ Գրիգորյանը, որը Գեղամ Գրիգորյանի դուստրն է, խոստովանել է, որ, չնայած հայրն այլևս իր հետ չէ, տպավորություն է, թե բեմում միշտ իր կողքին է:

Հայաստանի Անկախության հռչակագիրն ընդունվել է 1990 թվականի օգոստոսի 23-ին Հայաստանի Գերագույն խորհրդի առաջին նստաշրջանում: Լիտվան դարձել է առաջին երկիրը, որը ճանաչել է Հայաստանի Հանրապետության անկախությունը: Դա տեղի է ունեցել 1991 թվականի օգոստոսի 14-ին։ Հայաստանի Հանրապետության և Լիտվայի Հանրապետության միջև դիվանագիտական հարաբերությունները հաստատվել են 1991 թվականի նոյեմբերի 21-ին:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS