կարևոր
1162 դիտում, 1 տարի առաջ - 2020-09-17 16:34

Եվրոպայում կորոնավիրուսով վարակման մակարդակն անհանգստություն է առաջացնում. ԱՀԿ

Եվրոպայում կորոնավիրուսով վարակման մակարդակն անհանգստություն է առաջացնում. ԱՀԿ

Եվրոպայի երկրներում COVID-19 հիվանդությամբ վարակման մակարդակն անհանգստություն է առաջացնում: Սեպտեմբերի 17-ին այս հայտարարությամբ հանդես է եկել Առողջապահության համաշխարհային կազմակերպության (ԱՀԿ) Եվրոպայի տարածաշրջանային բյուրոյի տնօրեն Հանս Կլյուգեն:

«Սեպտեմբերին ստացված թվերը պետք է տագնապալի նախազգուշացում ծառայեն բոլորի համար» Եվրոպայում, որտեղ նոր հայտնաբերված դեպքերի քանակն այժմ ավելի բարձր է, քան մարտին եւ ապրիլին, ընդգծել է նա: ԱՀԿ-ում նաեւ անհանգստություն են հայտնել կարանտինը կրճատելու՝ մի քանի երկրների որոշման պատճառով: «Մենք գիտենք, թե մարդու եւ հասարակության վրա ինչ վիթխարի ազդեցություն կարող է ունենալ կարանտինի տեւողության նույնիսկ նվազագույն կրճատումը»,- ասել է Կլյուգեն:

Տարածաշրջանի երկներին հորդորում եմ հետեւել սանիտարական գիտական ընթացակարգին՝ փորձագետների հետ համագործակցությամբ եւ որոնել կարանտինի անվտանգ կրճատման եղանակներ:

Կորոնավիրուսի հարուցած հիվանդության բռնկումն արձանագրվել է 2019 թվականի վերջին Կենտրոնական Չինաստանում, տարածվել է երկրների մեծ մասում եւ մարտի 11-ին ԱՀԿ-ի կողմից ճանաչվել համավարակ: