կարևոր
1668 դիտում, 3 տարի առաջ - 2020-09-14 18:12

Երևանի գլխավոր ճարտարապետի պաշտոն կարող է այլևս չլինել. Հայկ Մարության

Երևանի գլխավոր ճարտարապետի պաշտոն կարող է այլևս չլինել. Հայկ Մարության

Երևանի քաղաքապետ Հայկ Մարությանը հայտարարել է, որ քննարկվում է քաղաքի գլխավոր ճարտարապետի պաշտոնի վերացման հարցը: Lրագրողների հետ զրույցում Մարությանն ասաց, որ Երևանի գլխավոր ճարտարապետի պաշտոն կարող է այլևս չլինել:

«Ես հիմա կարող է սենսացիոն բան ասեմ, բայց մտածում եմ, որ Երևանի գլխավոր ճարտարապետի պաշտոնը պետք է որոշակի մոդիֆիկացիայի, փոփոխությունների ենթարկվի: Հնարավոր է, որ այլևս չլինի գլխավոր ճարտարապետ»,- նշեց Մարությանը: Նրա խոսքով՝ գուցե լինի գլխավոր ճարտարապետի գործառույթներով զբաղվող մի մարմին կամ խորհուրդ: Ներկայում այդ ամենի շուրջ աշխատանքներ են տարվում:

Երևանի գլխավոր ճարտարապետ Արթուր Մեսչյանը քաղաքապետ Հայկ Մարությանի որոշմամբ օգոստոսի 17-ին ազատվել էր պաշտոնից։

Գլխավոր ճարտարապետի պաշտոնը հասարակության խոշորացույցի տակ գտնվող պաշտոն է, և մայրաքաղաքի ճարտարապետական տեսքի խաթարումների, ապօրինի շինարարությունների, նոր կառույցների կամ ծառահատումների դեպքում քննադատության թիրախում է հայտնվում գլխավոր ճարտարապետը: Այս պաշտոնը զբաղեցրել են նաև Գուրգեն Մուշեղյանը, Նարեկ Սարգսյանը, Տիգրան Բարսեղյանը: